Festa della Mamma: una nuova poesia dialettale di Giuseppe Marzano dedicata alle mamme
8 Maggio 2022Spread the love
G. Marzano
In occasione della Festa della Mamma, un’ode alla mamma scritta in questi giorni dal nostro poeta dialettale ins. Giuseppe Marzano, un “giovane spirito” 88enne, che, con l’animo da fanciullo sempre innamorato della sua mamma, eleva un vero “peana” alla sua e a tutte le mamme di Collepasso e del mondo.
Non finiremo mai di ringraziare l’amico Pippi per queste “perle” di poesia e di amore.
Auguri a tutte le mamme! (p.g.)
La cara Mamma
La prima ca te stringe
e ca te vasa,
te ‘mbrazza ccu’ l’amore
crande e veru,
ci ete? Sai ci ete?
‘Essi sinceru!
La cara Mamma!
Quandu nnu’ ccunti ‘ncora
e nnu’ camini,
quandu pe’ nenti chiangi
o te ‘rruvini,
ci ete ca te iuta, ci ete…
Lu ‘nduvini?
La cara Mamma!
Quiddhra a tie vicina,
tutta core,
ca te ‘nsiste, notte e giurnu,
ccu’ l’amore,
e te sente “vita sòa”,
…e quistu è bberu,
sia ca te pare quasi
‘nnu misteru…
Ci ete?
La cara Mamma!
Quandu ‘rria lu tiempu
t’a parola,
‘ncora ‘nciarfrisciata,
‘nciarfisciandu,
“una” t’esse bbona,
cu’ llu risu,
ggiusta, sana, sana…
Cci ha capitu?
La cara Mamma!
Quandu, ‘u primu ggiurnu,
vai ‘llà scola,
all’asilu, comu prima se ticìa,
a ci ne tole l’arma, ddhrai
ttè lassa;
se nnutaca lu core
e cchiui nnu’ basta?
La cara Mamma!
Quandu crandiceddhru,
e ‘nnanzi ‘ncora,
zzicchi ‘a longa vita
te la scola,
quiddhra te ‘micizzie,
te famija,
e tantu, tantu ‘mpegnu
te fatica,
c’ete… ca te penza
e te cunsija,
c’ete ca te cuarda
e benatice,
e, cu’ tanti te panzieri,
se scumpija?!?
La cara Mamma!
Scendu, poi, ‘nnanzi
pe’ lla vita,
ci te vàe taritta,
o puru storta,
l’umbra sòa t’amore,
senza ‘bbenta,
te secuta, secutandu
e… ttè cunforta.
Ci ete sempre?
La cara Mamma!
E…
puru tie
la porti
‘ntrà llu core,
la chiami, chiami
sempre
e la mantùi:
“Ahi, mamma!”,
tici sempre ci te toli.
“Oh, mamma!”,
ci te presci e ssi’ cuntentu.
“Oh, mamma!”,
ci te pressa te scumpij.
E… “mamma”,
sempre “mamma”,
‘ncora chiami…
Mai, mai
la spicci te chiamare,
mai, mai
la spicci, poi, te “AMARE”.
E ieu, bbè lassu, qquai,
alla fine, scrittu,
quiddhru ca ticìa
‘nnù veru “tdittu”:
“Ci tice ca t’ama
cchiui te MAMMA,
ccu’ parole te ‘nganna”!
Auguri a tutte le mamme!
Giuseppe Marzano
5 maggio 2022
Spread the love
Pippi carissimo, ti ringrazio della tua gentilezza. Saluti ad Agatuccia.
Ci vediamo a Collepasso.
Grazie Pippi, te fazzu tanti auguri, ieu su rrivato a 92 anni, datti da fare , quandu ili compi puru tie , ieu sarò drai ad aspettarti. scusa il mio dialetto fatto in casa. sei bravissimo, un abbraccio, lu PIPPI (cabbinista)